Í ár komu tæplega 80 dómarar á námskeiðið og heppnaðist það ágætlega þrátt fyrir dagskrárbreytingar á síðustu stundu.  Stjórn og fræðslunefnd HÍDÍ þakkar öllum sem tóku þátt í þessu með okkur.
Endurmenntunin var með nokkuð breyttu sniði í ár og virðist það vera það sem koma ska. þar sem þetta veitt dómurum mun betri samræmingu en áður hefur verið.    
Helstu áhersluatriði námskeiðsins voru:
·         Huglæg atriði í dómgæslu, farið var yfir hraða í helstu gangtegundum og hvernig á að meta það þegar hestur er ekki á réttum hraða. (Hægt og að milliferð)
·         Hreinleiki gangtegunda. Farið var yfir hversu mikilvægur hlutur hreinleiki gangtegundar er í íþróttakeppni og hvar dómari stoppar á eldvegg þegar verið er að dæma stífan hest(taktur og mýkt).
·         Einnig var varið yfir siðareglur og helstu keppnisreglur sem hafa verið að breytast undanfarin tvö ár.(Séríslenskar reglur)

​Allar glærur frá endurmenntuninni með tilvísunum í reglur má nálgast hér eða undir skjöl.

HÍDÍ er með á dagskránni að halda sjúkraendurmenntun 15 febrúar kl 20:00 ef nægilega skráning næst.  Þeir sem hafa áhuga á því vinsamlegast skrá sig hér.
kv,
Stjórn og fræðslunefnd

Verið er að gang frá síðustu atriðunum varðandi endurmenntun 2016 en hún verður haldin 14 janúar kl 17:00 í Harðarbóli og 24 janúar kl 11:00 í Reiðhöllinni á Akureyri.
Þátttökugjald:         15.000
Félagsgjald 2016:    5.000
Samtals 20.000 kr. sem greiða þarf á staðnum eða fyrirfram með millifærslu og þá skal sýna kvittun við innganginn.
Millifærsla:  0549-26-550212      kt. 550212-0640
 
Athugið, allir dómarar verða að taka könnun fyrir endurmenntun í ár. 
Nánar hér:
http://www.hidi.is/freacutettir/-aalfundur-hidi-og-upprifjun-2016

Aðalfundur félagsins var haldinn í gær í Harðabóli í Mosfellsbæ.  25 mættu á staðinn þrátt fyrir mikla ófærð á Suðurlandi.  Kjósa þurfti  formann, gjaldkera og tvo varamenn í stjórn.  Eftirfarandi aðilar buðu sig fram og voru engin mótframboð þannig að þetta var samþykkt einróma.
Formaður:
Halldór Victorsson
Gjaldkeri:
Ólöf Guðmundsdóttir
Varamenn í stjórn:
G Snorri Ólason
Sigurður Kolbeinsson

Nokkur málefni voru lögð fyrir fundinn og urðu helstu niðurstöður:
A. Samþykkt var að hækka félagssgjald í kr. 5000.-
B. Akstursgjald dómara
Eftir síðast haustfund kom bersýnilega í ljós að félagsmenn HÍDÍ óskuðu eftir að gjaldskrá fyrir ferðakostnað væri skýrari Málið var rætt fram og til baka og var eftirfarandi regla samþykkt einróma:
Tillaga fundarins
Greitt skuli sem svarar hálfu kílómetragjaldi miðað við auglýsingu um Akstursgjald ríkisstarfsmanna

1. Greitt skal fyrir allar ferðir til og frá mótsstað.
2. Ekki skal rukka tímavinnu fyrir ferðalög.
3. Ef flugfargjald í boði mótshaldara er ekki þegið skal greiddur aksturskostnaður sem samsvarar flugfargjaldinu
4. Dómarar sameinist í bíl/a þegar því verður við komið
5. Ef gisting er í boði er ekki greitt fyrir aukaferðir

 
C. Launamál
Tímalaun dómara verði óbreytt frá því í fyrra:
Héraðsdómari  2500kr á klst
Landsdómari     3000kr á klst
Alþjóðadómari 3500kr á klst
D. Yfirvinnuálag
Mikið álag er á dómurum HÍDÍ og telur félagið og FEIF að dómarar eigi ekki að dæma meira en 10 tíma á dag.  Samþykkt var að tímalaun dómara umfram 10 klst á dag yrði tvöföld tímalaun.  
 
Margt annað var rætt og hvetjum við dómara til að renna yfir fundargerð hérna.
Stjórn HÍDÍ  vill þakka fyrir góðan og málefnalegan fund þó sérstaklega þeim sem komu langt að.  Færðin var ekki sú besta...
Kveðja stjórn HÍDÍ