Opinn fundur verður á mánudaginn 27 febrúar kl 20:00.  Fundurinn verður haldinn í félagsheimili Fáks/Guðmundarstofu og á Akureyri í kaffistofunni hjá Pétri Vopna.
Fyrirkomulagið verður mjög opið en hugmyndin er að dómarar, sem hafa spurningar um vafaatriði eða annað slíkt, beri saman bækur sínar og komist að niðurstöðu um hvernig er best að tækla þessi atriði.
Mikilvægt er að trúnaði sé gætt á þessum fundum en það má búast við að ræða þurfi viðkvæma hluti sem er ekki æskilegt að rætt sé annarstaðar.  Ef niðurstaða fæst væri gott að taka hana niður og senda stjórn HÍDÍ til skráningar en þetta verður tekið saman og nýtt í framtíðar kynningarefni.  Best væri að hafa samantekt ópersónubundna með góðri lýsingu og niðurstöðu.  Ef vel tekst til verður þetta gert reglulega.
Hlökkum til að sjá ykkur sem flest á þessum fundum,
Kv,
Stjórn HÍDÍ
Dæmi um vafaatriði sem var leyst á síðasta ári með svipuðu fyrirkomulagi.
-hversu hröð er góð ferð í gæðingaskeiði?
-hversu mikið á að mínusa ef hestur missir gangtegund.

Endurmenntun HÍDÍ er lokið í ár og var hún með töluvert öðru sniði en venjulegra.  Áherslan í ár var skeið á hringvelli og gæðingaskeið.
Farið var yfir helstu þætti í skeiði og þau vafaatriði sem geta komið þegar verið er að dæma þessa frábæra gangtegund.  Töluverður munur getur verið á einkunum dómara eftir því hvar hann er staðsettur á vellinum og getum við lítið gert í því en með því að fara yfir þessa óvissuþætti og gefa skýrar vinnureglur við þeim er okkar framlag í að bæta dómgæslu.
Hér til hliðar er dæmi um vinnureglu.  Þessi tímatafla getur dómari nýtt sér til að meta hraða skeiðs og síðan einkunn í niðurhægingu.  Minnum aftur á að dómari skal ávalt hlusta á tíma skeiðssprets áður en einkunn er gefin.
Hér eru svo glærur frá endurmenntun í ár.
Skýrsla stjórnar
SKEIÐ
 
Kv,
Stjórn HÍDÍ

​Tímalaun dómara :
Héraðsdómari  3000kr á klst
Landsdómari     3500kr á klst
Alþjóðadómari 4000kr á klst
útkall 20.000kr.
Yfirvinnuálag
Mikið álag er á dómurum HÍDÍ og telur félagið og FEIF að dómarar eigi ekki að dæma meira en 10 tíma á dag.  Samþykkt er að tímalaun dómara umfram 10 klst á dag yrði tvöföld tímalaun.
Akstursgjald dómara
Eftir síðast haustfund kom bersýnilega í ljós að félagsmenn HÍDÍ óskuðu eftir að gjaldskrá fyrir ferðakostnað væri skýrari Málið var rætt fram og til baka og var eftirfarandi regla samþykkt einróma:

Greitt skuli sem svarar hálfu kílómetragjaldi miðað við auglýsingu um Akstursgjald ríkisstarfsmanna
1.     Greitt skal fyrir allar ferðir til og frá mótsstað.
2.     Ekki skal rukka tímavinnu fyrir ferðalög.
3.     Ef flugfargjald í boði mótshaldara er ekki þegið skal greiddur aksturskostnaður sem samsvarar flugfargjaldinu
4.     Dómarar sameinist í bíl/a þegar því verður við komið
5.     Ef gisting er í boði er ekki greitt fyrir aukaferðir

https://www.fjarmalaraduneyti.is/ferdakostnadur
aksturgjald ríkisstarfsmanna er 110kr sem gerir okkar hlut 55kr!
Aksturgjald ríkisstarfsmanna hefur ekki breyst síðan 2015...

10 janúar síðastliðinn var aðalfundur félagsins.  Í þetta skiptið mættu 20 manns og var heldur rúmt um okkur í fundarsal ÍSÍ. 
Farið var yfir verkefni síðasta árs og hvað má búast við á því næsta. 
Halldór Victorsson var endurkjörinn sem formaður og Gísli Geir Gylfason var endurkjörinn sem ritari. 
Einnig voru þeir Snorri Ólason og Sigurður Kolbeinsson endurkjörnir í varanefnd.
Skýrsla og reikningar samþykktir auk þess voru laun hækkuð um 500 krónur á tímann og útkall sett í 20.000 kr.
Síðasti liður var orðið frjálst og tóku þá nokkrir til máls og fannst núverandi fyrirkomulag varðandi endurmenntun mjög góð.  Mikil ánægja var með heimakönnunina þar sem dómarar dæma sýningar heima og ræða síðan málið á endurmenntun.
Stjórn tilkynnti að fyrirhugað er að vera með mánaðarlega fundi á þessu ári þar sem dómarar geta mætt og farið yfir það sem þeim finnst mætti betur fara eða bera vafaatriði undir aðra dómara. 
Restin af fundinum fór í að ræða alþjóðlegt dómara próf sem fór fram í Fáki en mismunandi skoðanir eru á framkvæmd þess.
Kv,
Stjórn HÍDÍ