Frestur til að sækja um dómara til að fá mót skráð löglegt í SportFeng rennur út 1.apríl því þurfa mótshaldarar að hafa hraðar hendur ef ekki hefur verið sótt um dómara.  Mótshaldarar sem ekki sækja um fyrir þann tíma verða setja sig í samband við stjórn HÍDÍ til að fá úthlutað dómurum með því – netfang HÍDÍ er hididomarar@gmail.com

Umsókn um dómara eyðublað má finna inn á heimasíðu LH:
http://lhhestar.is/is/page/umsokn-um-domara/

Munið að mót telst ekki löglegt nema dómaranefnd LH og stjórn HÍDÍ úthluti dómurum á mótið og sótt hafi verið um dómara fyrir 1.apríl  !! Einkunnir á ólöglegu móti telst ekki til árangurs inn á lista fyrir tölt á landsmóti !

15.apríl                                 Síðasti dagur fyrir dómara að sækja um löglegu mótin sem komin eru inn á heimasíðu HÍDÍ undir tenglinum Dómsstörf í boði.

1.maí                     Stjórn HÍDÍ áætlar að úthlutun dómara á þessi mót verði lokið og dómarar látnir vita.

Dómarar – munið að ykkur ber að tilkynna forföll til dómaranefndar/stjórnar HÍDÍ sem sér síðan um að úthluta nýjum dómara.

Hægt að senda stjórninni tölvupóst á netfangið hididomarar@gmail.com.

Dagskrá yfir alþjóða dómaranámskeiðið sem verður 13-14 apríl næstkomandi er komin í  hús.
Hægt að nálgast hana hér. 
Dagskráin lítur vel út og viljum við hvetja landsdómara að mæta á svæðið sérstaklega þá sem misstu af upprifjunarnámskeiði HÍDÍ.
Þátttökugjald er 265 EUR og skal dómari skrá sig hjá Oddrúnu á skrifstofu LH ( lh@isi.is - S: 514-4030) sem fyrst en eigi síðar en 5.apríl.
þegar því er lokið og búið að greiða þátttökugjaldið skal senda skráningar- og
greiðslukvittun á hididomarar@gmail.com.

Upprifjunarnámskeið 2012 lokið:
Það verður ekki haldið sérstakt auka
upprifjunarnámskeið fyrir þá dómara sem ekki komust á þessi tvö námskeið sem
haldin voru í Reykjavík og á Sauðárkróki. En við viljum benda þeim dómurum á að
þeir geta skráð sig á alþjóða dómararáðstefnuna sem haldin verður í Mosfellsbæ
dagana 13.-14.apríl ef þeir vilja verða virkir dómarar 2012 – en athugið að gera
það sem fyrst því fyrstu kemur fyrstur fær, ákveðið mörg pláss
laus.
Þátttökugjald er 265 EUR og skal dómari skrá sig hjá Oddrúnu á
skrifstofu LH ( lh@isi.is – S: 514-4030) sem
fyrst en eigi síðar en 5.apríl –þegar því er lokið og búið að greiða
þátttökugjaldið skal senda skráningar- og greiðslukvittun á hididomarar@gmail.com.

Úthlutun dómara á mót 2012
Dómarar þurfa nú sjálfir að sækja um mótin
í gegnum heimasíðu félagsins – www.hidi.is
undir linknum Dómarar efst á síðunni.  Nú þurfa dómarar að vera á tánum og
fylgjast vel með á heimasíðunni þegar það opnar fyrir umsóknir á ákveðin mót!!
Hestamannafélög þurfa að sækja um dómara fyrir mótin sín fyrir 1.apríl
n.k. !    Viljum ítreka við þau hestamannafélög sem hyggjast
halda World Ranking mót að sækja um sem fyrst. Stjórnin þarf tíma til að finna
erlendan alþjóða dómara sem er laus því erlendu dómararnir fara hverjir að vera
fullbókaðir út sumarið!

Breytingar á FIPO reglum sem taka gildi 1.apríl 2012
Minnum dómara og mótshaldara á að kynna sér vel þær breytingar sem gerðar hafa verið á FIPO reglunum. Hægt er að nálgast grófa samantekt á þessum breytingum inn á www.hidi.is, annars bendum við á að hægt er að nálgast skjal með breytingunum inn á heimasíðu félagsins og www.feif.org. 

Kveðja
Stjórn og fræðslunefnd HÍDÍ

Á síðustu ráðstefnu FEIF voru samþykktar nokkrar breytingar á FIPO reglum sem taka gildi 1 apríl næstkomandi.

Hér er lauslega tekið saman helstu breytingar.

1.      Frávísun í  skeiðkappreiðum
Bætt hefur verið við grein 6.5 um að sé hrossi vísað úr keppni er því vísað úr keppni í heild og er óheimilt að taka þátt í seinni sprett.
2.      Halli á keppnisvöllum
Búið er að taka út skilyrði um halla í beygjum á 250 og 200 metra keppnisvöllum.
Lagt er til að núverandi völlum sé breitt eins fljótt og auðið er.
3.      Ný keppnisgrein sem er auðveldari í staðin fyrir PP2.
Hér er verið að búa til keppnisgrein sem er svipuð og gæðingaskeið(PP1) en fyrir minna vana keppendur.
4.      Teygjur leyfilegar í faxi
Leyfilegt er að ríða með teygjur í  faxi
5.      Ungmenni á HM keppa í sérflokki og með sér A-úrslita
Hægt er að nálgast enska útgáfu af skjalinu á hidi.is eða feif.org.
kveðja,
Fræðslunefnd

Málþing um íþróttadómara
Í E-sal Íþróttamiðstöðvarinnar í
Laugardal
miðvikudaginn 21. mars 2012 kl. 17.00-20.00.


ÍSÍ, KSÍ, HSÍ, KKÍ og BLÍ boða til málþings um íþróttadómara og þeirra  mikilvægu störf í tengslum við íþróttirnar.  Fulltrúar sérsambandanna munu fjalla um stöðu mála og framtíðarhorfur.  Málþingið er öllum opið,
endurgjaldslaust á meðan húsrúm leyfir.  Allir sem áhuga hafa á þessum málum eru hvattir til að mæta, fræðast um stöðuna og leggja jafnvel orð í belg um málefnið.


Hvernig geta íþróttagreinar unnið betur saman í dómaramálum?
Hver er áhrifamáttur og ábyrgð þjálfara og fjölmiðla?
Hvernig fjölgum við dómurum og höldum þeim í starfi?
Yfrir hvaða eiginleikum þarf íþróttadómari að búa yfir?
Hvernig fjölgum við konum í dómarastétt?

Þessum spurningum verður reynt að svara á málþinginu, m.a. í vinnuhópum þar sem allir hafa möguleika á þátttöku.
Niðurstöður hópavinnunnar verða birtar eftir að hópavinnu lýkur.
Forystumenn þessa málaflokks hjá ofangreindum sérsamböndum verða í panel í lok málþingsins.
Skráning er í síma 514-4000 eða á linda@isi.is  Í boði verður kaffi og léttar veitingar.

Allar frekari uppl. gefur sviðsstjóri Þróunar- og fræðslusviðs ÍSÍ í síma 460-1467 eða á vidar@isi.is


Dagskrá málþingsins
17.00  Ávarp/setning 
17.05  Sameiginlegir þættir  
17.15  Fulltrúar íþróttagreinanna – kynning
17.40  Skilgreining hópavinnu 
17.45  Hópavinna  
A)  Hvernig geta íþróttagreinar unnið betur saman í  dómaramálum?
           
B)  Hver er áhrifamáttur og ábyrgð
    a) Þjálfara?
    b) Fjölmiðla?
    C) Hvernig fjölgum við dómurum og höldum þeim í starfi (hindrum brottfall)?
    D) Yfir hvaða eiginleikum þarf íþróttadómari að búa yfir?
    E)  Hvernig fjölgum við konum í dómarastétt?
  18.45  Kaffihlé
  18.55  Niðurstöður hópavinnu
  19.25  Fyrirspurnir og umræður – (Panell)
  19.50  Samantekt
  20.00  Málþingslok

Undir linknum Dómarar efst á síðunni verður listi yfir þau mót sem dómarar geta skráð sig á.  Stjórn dómarafélagsins mun síðan sjá um endanlega niðurröðun dómara.  
 
Eins og er er aðeins eitt mót á skrá en þeim fer fjölgandi þegar líða tekur á  vorið.

Búið er að setja allar glærur og myndbönd frá upprifjunarnámskeið HÍDÍ á vef námskeiðsins hér.
Kveðja,
Fræðslunefnd

Tilkynning frá keppnisnefnd LH um einkunnalágmörk á Íslandsmóti 2012.

Skv lögum og reglum LH ber keppnisnefnd að gefa út lágmörk fyrir Íslandsmót á hverju ári fyrir 1 .mars.

Tekin var ákvörðun um að setja þau hálfum neðar en meistaraflokkslágmörk eru nú og eru lágmörkin þau sömu og 2011 og eru sem hér segir:



Tölt T1 6,0
Fjórgangur V1 5,7
Fimmgangur F1 5,5
Tölt T2 5,7
Gæðingaskeið PP1 6,0
Fimi 5,5
250 m skeið 26 sekúndur
150 m skeið 17 sekúndur
100 m skeið 9 sekúndur

Með keppniskveðju,

Keppnisnefnd LH