Dómarar athugið, Keppnisnefnd lagði til á þinginu, í stað þess að bæta við enn einum flokki, að benda mótshöldurum á að nota í auknum mæli léttari keppnisgreinar til að hvetja byrjendur í keppni til að mæta í keppni.

Búið er að setja alla flokka í tölvukerfið og verið er að skipuleggja fræðslufundi fyrir keppendur og mótstjórnir.  Hvetjum við alla dómara að vera á tánum í þessum málefnum. Hægt er að nálgast yfirlit yfir allar keppnisgreinar hér eða í flýtileiðum hægramegin.

Mótahugbúnaður hestamanna hefur verið uppfærður í nýja útgáfu. SportFengur verður uppfærður í dag og Kappi er kominn út í útgáfu 1.9 ásamt GagnaKappa. Nauðsynlegt er að allir notendur hugbúnaðarins uppfæri Kappa og GagnaKappa á sínum tölvum enda eru eldri útgáfur ónothæfar frá og með deginum í dag. Útbúnar hafa verið nýjar uppsetningar- og uppfærsluleiðbeiningar og er mikilvægt að þeim sé fylgt í smáatriðum. Leiðbeiningarnar eru aðgengilegar á Kappa og SportFengssíðu LH vefsins og þar er hægt að sækja nýju Kappa og GagnaKappa útgáfuna.



Í nýju útgáfunni hefur verið bætt við þeim keppnisgreinum sem aukin áhersla er nú lögð á að hestamannafélögin bjóði upp á, þ.e. Tölt T3, Tölt T7, Fjórgangur V2 og Fimmgangur F2. Villa sem stundum kom upp þegar reiknaðir voru samanlagðir stigameistarar á íþróttamótum hefur verið lagfærð. Örmerkisnúmer prentast nú á fótaskoðunarblað. Loks er nú hægt að sérmerkja innanhúsmót þannig að þau geti verið lögleg til samræmis við reglugerðarbreytingu á síðasta LH þingi.

Hægt er að halda lögleg innanhúsmót í íþróttakeppni hér á landi.   Til þess þarf einfaldlega að fara eftir öllum venjulegum reglum varðandi íþróttakeppni.  Sjá reglu 8.3.2.1 Innanhússmót 


Um innanhússmót gilda eftirfarandi reglur. 
Almennt gilda sömu reglur og utanhúss með eftirfarandi undantekningum. 
Sérstaklega skal minnt á skil á mótsskýrslu til að árangur skráist í Mótafeng og 
þar með inn í Worldfeng. 
Þegar riðið er inn á völl á innanhússmótum er leyfilegt að leyfa lengri leið 
áður en keppni hefst, eftir því sem aðstæður leyfa.
Einkunnir úr innanhússmótum gilda ekki sem árangur til keppni utanhúss. Þær 
gilda því ekki sem lágmarkseinkunn til þátttöku í tölti á Landsmóti, ekki til 
þátttöku á Íslandsmóti né sem lágmarkseinkunn til þátttöku í meistaraflokki. 

Á síðasta landsþingi var bætt  við ákvæði um innanhússmót, að þar gildi ekki reglur um vallarstærð, að öðru leyti gilda allar almennar keppnisreglur sbr lagagrein um innanhússmót.

Á endurmenntunarnámskeiðum HÍDÍ var lagt fyrir stöðupróf þar sem prófað var í lögum og reglum FIPO ásamt leiðara.  89 hestaíþróttadómarar þreyttu prófið og má sjá hvernig einkunnir úr prófinu dreifðust.   Dómarar munu fá sendan tölvupóst með þeirra niðurstöðu.

Eins og sjá má kom þetta mjög vel út - 47 dómarar hlutu einkunina 9,0 eða hærra.  
Þeim tilmælum er bent til þeirra dómara sem voru í skalanum undir 8,0 um að glugga aðeins betur í lög og reglur :-)

Þetta próf var einungis fyrir ykkur dómarar til að sjá hvar þið stæðuð og hvað má bæta.


Stjórn og fræðslunefnd vilja koma á framfæri þökkum til allra dómara sem mættu á endurmenntunarnámskeiðin og sérstakar þakkir fyrir öll hrósin í okkar garð varðandi skipulagningu og uppsetningu námskeiðs,  það hvetur okkur áfram og gefur okkur þau skilaboð að við séum á réttri leið í auknum metnaði og utanumhaldi á dómurunum okkar.

Hægt er að nálgast glærur námskeiðsins hér

Næst á dagskrá verður opið fræðslukvöld í apríl og nýdómaranámskeið í lok apríl/byrjun maí.



Bestu kveðjur,

Stjórn og fræðslunefnd

3 dómara vantar á Kvennatöltið til styrktar LÍFI styrktarfélagi kvennadeildar Landspítalans - Lífstöltið.

Þetta er töltmót sem vakið hefur athygli undan farin ár fyrir góða þátttöku og skipulagninu,  hingað til hafa góðar upphæðir náð að safnast.


Óskað er eftir 3 dómarum (helst af höfuðborgarsvæðinu) sem eru til í að eyða deginum (kl.10:00-18:00) á skemmtilegu móti og með því leggja sitt af mörkum til styrktar LÍFI


Áhugasamir geta sett sig í samband við Línu (ein af skipuleggjendum mótsins) í síma 866-1754 eða Berglindi (stjórn HÍDÍ) í síma 840-1504.