Það er komið fullt af mótum inn á heimasíðu HÍDÍ sem eru opin til umsókna.  Það verður mikið um mótahald í maí og verðum við að senda ykkur ákall um að sækja um mótin til að við vitum hvaða dómarar eru lausir til að auðvelda okkur með að raða niður á mótin.
Því fleiri dómarar sem sækja um mótin því meiri möguleika fáum við í stjórn HÍDÍ að úthluta á mótin og vanda okkur við val á dómurum.  


Á umsóknarforminu má sjá reit neðst þar sem stendur "Annað, ferðakostnaður, óskir eða ábending frá dómara"

NOTIÐ ÞETTA TIL AÐ KOMA YKKAR ÓSKUM Á FRAMFÆRI (alltof lítið notað) !!!

T.D.  EF ÞIÐ VITIÐ UM EINHVERN ANNAN DÓMARA SEM  SÆKIR UM NÁKVÆMLEGA SAMA MÓT OG ÞIÐ ÓSKIÐ EFTIR AÐ VERA SETT/IR SAMAN Á MÓT !   EF ÞIÐ BJÓÐIÐ YKKUR FRAM SEM YFIRDÓMARA OG JÚ AUÐVITAÐ BARA ALLT SEM YKKUR DETTUR Í HUG!!



Síðasti umsóknardagur fyrir mótin sem haldin eru í MAÍ  er 5.maí*


kveðja

Stjórnin


*undantekning Reykjavíkurmót Fáks, búið er að manna það mót.....

Vegna breyttra forsenda frá því að úthlutað var á mótið var áður birt úthlutun afturkölluð.

Við opnuðum fyrir umsókn á þetta mót aftur til að gefa sérstaklega alþjóða dómurum möguleika á að sækja um þar sem um WR mót er að ræða! 

Opið verður fyrir umsókn þangað til í síðasta lagi 5.maí - reynt verður að úthluta á öll maí mót í vikunni 6.-10.maí !!

Búið er að gefa út nýjan reglupakka sem allir dómarar þurfa að hafa við hendina á öllum mótum.  HÍDÍ bíður uppá útprentun á þessum pakka fyrir íþróttadómara með leiðara og öllum spjöldum bundið saman í gormabók. Nánar auglýst síðar...

Hægt er að nálgast reglunar hér.

Verið er að vinna í nýjum reglpakka sem kemur út í vikunni en þar eru allar breytingar frá síðasta landsþingi.  Ein af þessum breytingum er þannig að börn yngri en 10 ára á almanaksárinu meiga ekki taka þátt í barnaflokki.


Hér er Grein 7.7.1 úr nýju reglupakkanum: 
7.7.1      Keppendur í yngri flokkum
Keppnin fer fram í fjórum aldursflokkum, flokki polla, barna, unglinga og ungmenna. Aldur keppenda miðast við almanaksárið, þannig að í pollaflokki eru þeir sem 9 ára og yngri,  barnaflokki eru þeir sem verða 10-13 ára á keppnisárinu, í unglingaflokki sem verða 17 ára á keppnisárinu og í ungmennaflokki sem verða 21 árs á keppnisárinu. Aldurstakmörk fyrir barnaflokk eru bindandi, þ.e. þótt ekki sé boðið upp á pollaflokk mega yngri knapar ekki keppa í barnaflokki. Ekki er keppt í pollaflokki á Landsmóti. 

Hér má sjá tilkynningu Stjórnar LH

Skoða má allar breytingar frá síðasta landsþingi undir flýtileiðum

Stjórn og fræðslunefnd HÍDÍ vill minna mótshaldara á um að sækja um dómara að lágmarki 4 vikum fyrir mót svo hægt sé að auglýsa mótið til umsókna fyrir dómara inná heimasíðu félagsins og úthluta dómurum á mótin. Mikið af mótum eru á dagskrá í apríl, maí og júní (samkvæmt mótaskrá 2013) þar sem ekki hafa borist umsóknir um dómara á !!!

Einnig viljum við senda út beiðni til hestaíþróttadómara um að sækja um mót inn á heimasíðu félagsins !! Svo hægt verði að dreifa mótum betur á dómara. Og jafnframt vera á tánum að fylgjast með þegar það opnast fyrir nýjar umsóknir um mót ! Við reynum eftir bestu getu að senda tilkynningu inn á Facebook-hópsíðu félagsins - dómarar verða að leggja sig fram og fylgjast með!

Með fyrirfram þökk

Stjórn og fræðslunefnd HÍDÍ

Opnað hefur verið fyrir umsókn dómara um að fá að dæma HM úrtöku !!

Síðasti umsóknardagur 11.maí !!!

Fyrri úrtaka: Verður haldin 11.júní á félagssvæði Fáks Víðidal - óskað er eftir 5 dómurum.

Seinni úrtaka og Gullmót: Verður dagana 13.-15.júní á félagssvæði Fáks Víðidal - þar er einnig óskað eftir 5 dómurum.


Þessu verður þannig háttað að sitthvort dómarateymið sem mun dæma fyrri og svo seinni úrtöku.

Dómarar sækja um þá úrtöku sem þeir vilja helst dæma - en gott er að skrifa í athugasemdir ef þeir eru í raun lausir á hina sem ekki er sótt um!

Ef lágmarkþátttaka næst verður nýdómaranámskeið haldið vikuna 19.-25.ágúst í Mosfellsbæ.  Áður var stefnt að halda nýdómaranámskeið í lok apríl / byrjun maí en ákvörðun var tekin um að færa það aftur í ágúst.  Apríl og maí eru erfiðir mánuðir sökum mótahalds og kynbótasýninga,  með þessu erum við að vona að fleiri munu skrá sig á námskeiðið.

Þátttökugjald verður 80.000 (birt með fyrirvara um breytingar).

Opnað verður fyrir skráningu hér á heimasíðu HÍDÍ með vorinu en síðasti skráningardagur verður 1.ágúst.

Stjórn / fræðslunefnd áskilur sér rétt til að fella niður námskeið ef lágmarksþáttaka næst ekki.

Send verður út tilkynning þegar opnað verður fyrir skráningu.

kv.Stjórn og fræðslunefnd

Dómarar á skrá hafa möguleika á að nota afsláttagjöld á innanlandsflugi hjá Flugfélagi Íslands. Bókað er beint hjá flugfélaginu sem leitar eftir staðfestingu hjá ÍSÍ. Nauðsynlegt að taka fram LH dómari þegar pantað er.
Ef dómari er ekki á skrá þarf skrifstofa LH að skrá viðkomandi aðila í Felix.

Hér er frétt um þennan samning á vef ÍSÍ.

Finna má nýjustu dómaraúthlutandir undir tenglinum Mönnun móta.

Hvetjum dómara til að lesa vel yfir og staðfesta komu sína í Comments sem fyrst.

Fleiri mót eiga eftir að detta inn undir tengilinn Sækja um dómsstörf 2013 vonandi á næstu dögum, sem dæmi má nefna úrtöku og Gullmót (kemur þó inn seinna í dag), íþróttamót Sleipnismanna og Geysis svo eitthvað sé nefnt.   Viljum því biðja dómara um að fylgjast VEL með og SÆKJA um mót - vantar miklu fleiri dómara að sækja um !!!

Ekki er búið að úthluta á Reykjavíkurmótið þar sem Fákur hefur ekki skilað inn tilskyldum upplýsingum og þ.a.l. er ekki búið að úthluta dómurum á það ennþá....

Það vantar fleiri dómaraumsóknir á þau mót sem komin eru á vefinn undir tenglinum Sækja um dómsstörf 2013.

Viljum benda þeim dómurum á sem hafa hug á að sækja um Íslandsmót yngri flokka og fullorðinna að gera það sem fyrst - helst fyrir 8.paríl.    Einnig er gott að þeir sæki þá líka um eitthvað af stóru íþróttamótunum sem haldin verða í apríl og maí.  Reynt verður að úthluta þeim dómurum sem fá Íslandsmótin einhverju af þessum íþróttamótum í vor.


Koma svo dómarar!!!


kveðja

Stjórnin