LH hefur fyrirhugað að halda ráðstefnu um dómaramál þann 16.janúar 2014.

Nánari upplýsingar síðar.

FEIF ráðstefna verður haldin á Hótel Nordica í Reykjavík dagana 7.-9.febrúar 2014.

Nánari upplýsingar síðar.

Keppnisnefnd FEIF hefur ákveðið að það sé kominn tími á breytingar varðandi skilyrði svokallaðra WR-móta. Þetta er gert til þess að hjálpa mótshöldurum til að auka metnað sinn til að mæta alþjóðlegum stöðlum. Markmiðið með þessu er að niðurstöður mótanna (árangur knapa) sé sambærilegri og að dæmt sé á viðeigandi hátt.

Eftirfarandi breytingar taka gildi 2014:

1.       Fjöldi alþjóðlegra dómara á WR mótum verður fjölgað úr 2 í 3 þar sem a.m.k. einn hefur búsetu sína í öðru landi.

2.       Hámark 10 klst vinnudagur þar með er talið hádegismatur og stutt hlé á a.m.k. 2 klst fresti ásamt öðrum hléum.

3.       Fóta- og ástandsskoðun hesta á að fara fram á öllum hestum sem keppa í úrslitum ásamt að lágmarki 25% af hestum í forkeppni. Hægt er að nálgast eyðublöð varðandi þetta inn á heimasíðu FEIF – www.feif.org

4.       Nú verður eingöngu leyfilegt að nota 250 m völl í fimmgangsgreinum (ekki 300 m og P-vellir) til að árangur í t.d. F1/F2 verði sambærilegri á milli móta.

5.       Þegar WR mót eru alþjóðlegur viðburður og áhorfendur  og a.m.k. einn dómari eru frá öðrum löndum er þul skylt að tala ensku, eða a.m.k. á tungumáli sem allir dómarar og helst áhorfendur og knapar líka skilja.