2 alþjóðadómarar hafa boðið sig fram á Hóla á Youth Cup mótið!

Vantar því ennþá einn dómara !!!

Sportnefnd FEIF fundaði í Reykjavík 7.-9. febrúar s.l.

Breyting varð á mönnun nefndarinnar.  Kjósa þurfti um 2 nýja nefndarmenn þar sem þeirra kosningartími var útrunnin en það voru þeir Sigurður Sæmundsson og Vicky Eggertsson. Vicky bauð sig fram áfram og var endurkjörinn en Sigurður ákvað að gefa ekki kost á sér áfram eftir 25 ára veru í nefndinni.   Sæti Sigurður kom í hlut Huldu Gústafsdóttur og fögnum við Íslendingar því.

Til hamingju Hulda og gangi þér vel.

Nálgast má fundargerðina hér

Minnum enn og aftur dómara á að vera vakandi þegar ný mót detta inn á listann yfir mót sem opin eru til umsóknar !!!


Einnig viljum við ítreka að okkur vantar alþjóðadómara til að sækja um YouthCup mótið sem haldið verður á Hólum 17.-19.júlí !!!  Skemmtilegt mót með skemmtilegum krökkum sem eru framtíðin okkar.

Eflaust eru margir farnir að bíða óþreyjufullir eftir nýjum leiðara á íslensku !!  þetta er allt á lokastigi.  Verið er taka síðasta lokalesturinn á þetta.    Við munum senda út tilkynningu með tölvupósti ásamt því að senda inn frétt hér og á Facebook síðuna UM LEIÐ OG HANN ER TILBÚINN!!!

Þrjá dómara vantar í dómstörf á Youth Cup á Hólum í sumar. Tíminn sem um ræðir er frá hádegi 17.júlí, allan 18. og 19.júlí. Stefnt á að þessu sé lokið síðdegis þann 19.

Frítt fæði og húsnæði í boði ásamt því að vera í félagsskap frábærra unglinga sem elska íslenska hesta! Ekki er greitt fyrir dómstörf (samskonar sístem og á HM) en að sjálfsögðu verður greitt fyrir ferðakostnað.

Vonumst til að fá jákvæðar undirtektir, trúum ekki öðru en alþjóðadómarar taki vel í að vinna fyrir æskulýðinn.


Helga B. Helgadóttir
Formaður Æskulýðsnefndar LH og mótstjóri FYCUP 2014.

Vegna galla í vefumsjónarkerfi okkar datt út forsíða hidi.is.  Úthlutunar kerfi og önnur skjöl á vefnum eru í lagi.

Endilega haldið áfram að skrá ykkur á mót.