Nú ætlum við að keyra í gang fyrsta fagfund ársins sem að verður haldinn Mánudaginn 4.febrúar í Guðmundastofu (Fáki) kl 20.00.  Það væri gaman að sjá sem flesta.

Endurmenntunarnámskeið fyrir norðan:
​SUNNUDAGINN 27.jan kl. 13.00 - 16.00 Endurmenntun, Akureyri (Reiðhöll Skeifunni) Verð 20,000 (félagsgjald 5,000 + námskeið 15,000), vinsamlegast greiðið greiðsluseðil í heimabanka.
Fjórða endurmenntunarnámskeiðið verður síðan haldið mánudaginn 25. febrúar kl. 20.00 í Reykjavík, það kostar 30.000 kr. (félagsgjald 5,000 + námskeið 25.000), vinsamlegast sendið tölvupóst til hididomarar@gmail.com og tilkynnið þátttöku ykkar fyrir 20. febrúar, lágmark 6 manns svo námskeið verði haldið.

Í ár verður könnunin aðeins öðruvísi en síðastliðin ár. Myndbönd verða dæmd og síðan er eru krossaspurning undir hverri gangtegund. Stjórn og fræðslunefnd hafa dæmt eftirfarandi hesta sem síðan endurspeglast í einkunn sem kemur úr kerfinu. Farið verður yfir niðurstöður og verður síðan niðurstað notuð á endurmenntun.
Skilyrði fyrir þátttöku á Endurmenntun 2019 eru að könnun hafi verið fyllt út og svör hafi borist HÍDÍ.

Prófkerfi sér um að safna niðurstöðum og mun það kerfi senda póst til allra dómara seinnipartinn í dag.
Vinsamlegast fylgist vel með pósthólfinu ykkar.

Ef upp koma vandamál eða tölvupóstur berst ekki, vinsamlegast hafið samband við stjórn.

Aðalfundur 2019
10.01.2019
 

1. Formaður setur fundinn
Halldór formaður félagsins setur fundinn og býður alla velkomna.  Í salnum sitja 19 manns og boðið er uppá kaffi og með því.
 
2. Kosinn fundastjóri og fundarritari
Óskað er eftir fundarstjóra og fundarritara.  Sigurður Kolbeinsson býður sig fram sem fundarstjóra og er það samþykkt.  Gísli Geir býður sig fram sem fundarritara og það er einnig samþykkt.
 
3. Skýrsla stjórnar félagsins
Halldór fer yfir skýrslu stjórnar og leggur áherslu á:

• Nýjustu lögin sem voru samþykkt á síðasta ári
• Endurmenntun sem var haldin á Selfossi, Reykjavík og Akureyri.
• Farið var yfir launakjör dómara og kosti og galla yfirvinnu og mikilvægi þess að það sé ekki dæmt meira en 10 tíma á dag.
• Norðurlandamót 2018 sem var haldið á Margretarhofi í Svíþjóð.
• Stjórn HÍDÍ hefur verið óbreytt í töluvert mörg ár og hefur gengið vel að vinna saman.
• Siðareglur og mikilvægi þess að lesa þær yfir.
• Mánaðarlegir fagfundir hafa reynst einstaklega vel.

4. Lagðir fram reikningar félagsins
Ólöf fer yfir skýrslu stjórnar og nefnir sérstaklega að

• Borgað hafi verið fyrir 4 endurmenntunarnámskeið á árinu.
• Styrkir þrjú ár aftur í tímann voru greiddir.
• Fjárhagsleg staða félagsins er nokkuð góð eins og sjá má í sér viðhengi.

 
5. Umræður um skýrslu og reikninga og þeir bornir undir atkvæði.

• Engar umræður áttu sér stað um skýrslu stjórnar.
• Kosið var um reikninga og voru þeir samþykktir.

 
6. Lagðar fram tillögur.

• Engar tillögur bárust til stjórnar

 
7. Afgreiðsla tillagna

• Engar tillögur bárust til stjórnar

 
8. Ákvörðun félagsgjalda sbr. 9. gr.
Núverandi félagsgjöld eru 5000 kr og lagt er til að það sé óbreytt.  Það er samþykkt.
 
9. Ákvörðun um laun og ferðakostnað dómara sbr.2. gr. 
Farið var yfir reglur um ferðakostnað og þau laun sem dómarar eru með í dag:
Laun
Tímalaun dómara verði óbreytt frá því í fyrra:
Héraðsdómari  3000 kr. á klst.
Landsdómari     3500 kr. á klst.
Alþjóðadómari 4000 kr. á klst.
Útkall 20.000 kr. (Útkall er fyrir mót eða mótsdag sem er styttri er 4 tímar.)       
 
Rætt var um útkalls reglur og ákveðið að halda þeim sem eru fyrir.
 
10. Kosning stjórnar og varamenn í stjórn sbr. 8.gr. 
Kjósa þurfti til formanns og ritara stjórnar en tímabil gjaldkera rennur út á næsta aðalfundi.
Halldór bauð sig áfram fram til formanns stjórnar. Ekki bárust önnur framboð og var Halldór kjörinn til eins árs.
Gísli Geir gaf ekki kost á sér áfram sem ritari stjórnar en bauð sig fram sem varamaður í stjórn og var það samþykkt.
G. Snorri Ólason bauð sig fram í starf ritara stjórnar og var það samþykkt.
Sigurður Kolbeinsson bauð sig fram sem varamaður í stjórn og var það samþykkt.
Engin mótframboð bárust.
 
11.Önnur mál
Tilnefndir af stjórn í fræðslunefnd voru Svafar Magnússon og Sigurður Ævarsson.
Fræðslunefndin ber m.a. ábyrgð á mánaðarlegum fagfundum sem verða á árinu.
 
Rætt var um tölvumál og aðgengi dómara að tölvum við dómstörf, m.a.  hver eigi að leggja til tölvu á mótum, dómari eða mótshaldari. Ákveðið var að stjórnin taki málið að sér og ræði við LH, stærstu hestamannafélögin og gæðingadómarafélagið um málið.
 
Jónsteinn tók til máls og kom með ábendingu um dómaraúthlutun.  Hann telur að dómstörfum sé ekki dreift jafnt á milli dómara.   Hann óskar eftir jafnari dreifingu bæði milli dómara og landshluta enda væri það að hans mati mikill kostur.
 
Rætt var um endurmenntun og kannanir sem þátttakendur taka og viðbrögð við því ef niðurstöður kannana eru ekki ásættanlegar.
 
Rætt var um fagfundi.  Stefnt er að því að halda þá mánaðarlega á þriðjudögum í vetur.
 
12. Fundarslit
Ekki var fleira rætt og var fundi slitið. Formaður þakkaði Sigurði fyrir fundarstjórn og viðstöddum fyrir þátttökuna.

​ Aðalfundur Hestaíþróttadómarafélags Íslands verður haldinn fimmtudaginn 10 janúar kl 20:00 í Reiðhöll Fáks.  
Sjá dagskrá aðalfundar og reglur félagsins hér: http://www.hidi.is/uploads/5/0/6/7/5067893/lg_hestarttadmaraflags_slands_2018.pdf
 
Einnig er búið að ákveða að endurmenntun HÍDÍ  2019 verður haldin 17 janúar kl 19:00 á Selfossi, 24 janúar kl 19:00 í Reykjavík og helgina 26 jan á Akureyri kl 13:00.  
Stjórn og fræðslunefnd HÍDÍ​

Dagskrá HÍDÍ í janúar 2019:

10. jan  Aðalfundur, Reykjavík (Reiðhöll Fáki)  kl. 20.00
17. jan  Endurmenntun, Selfossi kl. 19.00 - 22.00
24. jan  Endurmenntun, Reykjavík (Reiðhöll Fáki) kl. 19.00 - 22.00
26.jan EÐA 27. jan Endurmenntun, Akureyri (Reihöll Skeifan) kl. 13.00 - 16.00 
​

LH mun standa fyrir Sportfengsnámskeiði mánudaginn kemur, þann 7. maí n.k. á Akureyri. Mótshaldarar, ritarar, tölvufólk og dómarar eru hvattir til að mæta og kynnast nýja kerfinu. 
Námskeiðið hefst kl. 18:00 í Skeifunni, veislusalnum í reiðhöll þeirra Léttismanna. 
Athugið að þetta námskeið er hugsað fyrir öll félögin á Norðurlandi og Norðvesturlandi og hreinlega alla þá sem tök hafa á!

Þann 12 febrúar lauk síðasta endurmenntu HÍDÍ fyrir árið 2018.  Áherslan í ár var leiðarinn og eldveggir hans.  Allar glærur er hægt að nálgast hér.
Þessa dagana er stjórnin að skrá mót ársins í umsóknakerfið okkar og vonumst við til að hægt verði að sækja um öll mót í byrjun árs og þ.a.l. úthluta aðeins fyrr en venjulega.
Skráningarkerfið er aðeins öðruvísi en fyrri ár en öll mót verða á einni síðu í staðinn fyrir flipa drifið eins og hefur verið.
Sjá nánar hér.
Eins og kynnt var á endurmenntun er verið að innleiða nýtt dómskerfi fyrir íþrótta og gæðingamót sem heiti sportfengur.com.  Stjórn HÍDÍ hefur umsjón yfir að skrá dómara í kerfið og verður farið í þá vinnu í næstu viku.  Aðgangsorð verður sent í tölvupósti.

Auka endurmenntun verður haldin 12 febrúar kl 18 í Reykjavík.  Staðsetning verður auglýst síðar.